Isku xirrada

Hungary oo Qaxootiga Xadka ka Xiratay


Dowladda Hungary ayaa silig adag ku xirtay xadka ay la wadaagto Serbia oo ah halka ay ka soo galayeen qaxootiga, saacado ka hor inta aanu dhaqangelin sharci cusub oo adag oo ay ugu talagashay inay ku xakameyso qaxootiga dalkeeda soo galaya ee ku sii socda Germany.

Sharcigan cusub ayaa mas'uuliyiinta Hungary siinaya awood ay ku xiraan xabsiga ku dhigaan qof walba oo lagu qabto isagoo xadka dhinaca Serbia ka soo talaabaya.

Ilaa 5000 oo qaxooti ah ayaa xadka Hungary ee dhinaca Serbia ka soo galay ka hor inta aanay Hungary xirin xadka, waana tiradii ugu badnayd ee qaxooti ah ee maalin qura xadka gasha Hungary.

Talaabdan ayaa timid iyadoo wasiirada arrimaha gudaha ee Midowga Yurub ay ku guuldareysteen inay ku heshiiyaan qorshe lagu dajiyo 120 kun oo muhaajiriin ah.

XS
SM
MD
LG