Dowladda Austria ayaa sheegtay inay Germany ku heshiiyeen inay xadka u furaan muhaajiriinta ka imanaya dalka Hungary.
Werner Faymann, hoggaamiyaha Austria ayaa war saxaafadeed uu soo saaray go'aankan ku sheegay.
Boqollaal muhaajiriin ah oo ku sugan gudaha Hungary ayaa bilaabay inay u lugeeyaan dhinaca xadka Austria.
Muhaajiriin ku sugnaan xarunta tareennada magaalada Budapest iyo kuwo kale oo lugeynaya ayay xukuumadda Hungary waxay u dirtay baabuur basas ah oo u qaada dhinaca xadka Austria.
Ururka laanqeyrta cas Austria ayaa sheegay inay filayaa in 800 ilaa 1,500 oo qaxooti ah ay xadka ka soo galaan saacado gudahood.
Sawirrada Maanta
