Isku xirrada

Washington: Angela Merkel oo Obama la Kulmaysa


Hoggaamiyaha Jarmalka Angela Merkel ayaa lagu wadaa in Isniinta maanta ah wadahadallo ku aaddan dagaalka ka socda Ukarain ay magaalada Washington kula yeelato madaxweynaha Maraykanka Barack Obama iyadoo uu socdo dhaq-dhaqaaq diplomaasiyadeed oo la doonayo in lagu soo afjaro xiisadda ka taagan waddankaas.

Maalintii Axadda ayay Merkel wadahadalo afargeesood ah oo dhinaca taleefanka ah la yeelatay hoggaamiyayaasha Ukraine, Ruushka iyo Fransiiska kaasoo ku aaddan qorshaha nabadda ee ay wadaan Fransiiska iyo Jarmalka ee looga gol-leeyahay dhameynta kacdoonka gooni u goosatada taageersan Ruushka ee ku sugan bariga Ukraine.

Iyada iyo madaxweynaha Ukrain Petro Proshenko, madaxweynaha Ruushka Vladamir Putin, iyo madaxweynaha Fransiiska Francois Hollande ayaa isku raacay in maalinta Arbacada ah ay kulmaan caasimadda Belarus ee Minsk si ay u yeeshaan wadahadallo dheeraad ah.

Qorshaha ay wadaan Fransiiska iyo Jarmalka ayaa sal looga dhigay xabad-joojintii shaqeyn wayday ee bishii September lagu saxiixay magaalada Minsk.

XS
SM
MD
LG