Isku xirrada

Fakhriga Madowga iyo Latinos-ka USA


Ulusal Kent Birliği (National Urban League) Başkanı Marc Morial
Warbixin cusub ayaa sheegaysa in dadka madow iyo dadka loo yaqaano Latinos ee Mareykanka ku nool uu dhaqaalahooda hoos u sii dhacayo marka la barbardhigo caddaanka.

Urur magaciisa la yiraahdo The National Urban League ayaa warbixin sannadeedkiisa oo uu ugu magac darey "Ummad Shaqo la’aantu ay ku Baahday " waxaa uu ku xusey in madowga Mareykanka iyo Latinos-ka heerkooda shaqo la’aan uu aad u sarreeyo, isla markaana dakhligooda uu aad uga hooseeyo caddaanka.

Warbixintu waxay sheegaysaa in ka badan boqolkiiba labaatan dadka madowga iyo 18 boqolkiiba ee dadka Latinos-ka ay shaqo la’aan yihiin, amaba ay shaqeeyaan shaqo muddo dhimman, iyagoo u baahan shaqo joogta ah marka la barbardhigo 12 boqolkiiba ee shaqaalaha caddaanka ah.

Madaxa ururka National Urban League Marc Morial, ayaa sheegay in Mareykanka uu ka jiro "faraq weyn " oo u dhexeeya dadka guryaha leh, kuwa haysta shaqooyin sugan, kuwa leh xisaabaadka kaydka bankiyada iyo kuwo noloshooda ay aad u hooseyso.
XS
SM
MD
LG